1. Տալ բառերի բացատրությունները
Աբսոլյուտիզմ – Ծագում է լատիներեն «բացարձակ» բառից: Հաճախ անվանում են նաև բացարձակ միապետություն։ Միապետի իշխանությունը ոչնչով սահմանափակված չէ, արքայի կամքը օրենք է։ Չկա սահմանադրություն։ Այս առումով հատկանշական են Լուի XIV-ի խոսքերը. «Պետությունը ե՛ս եմ»:
Ազատական (լիբեռալ) – Ծագում է լատիներեն «ազատ» բառից։ Հասարակական շարժում, որ ձևավորվել է XIX դ. սկզբին, սակայն ծաղկել է նույն դարի երկրորդ կեսին։ Դեմ էր հասարակական ցնցումներին և հեղափոխություններին։ Կողմ էր աստիճանական և նպատակասլաց բարենորոգումներին։ Նպատակն էր սահմանադրական կարգի և ժողովրդավարության ստեղծումը։
Ազգայնականություն (նացիոնալիզմ) – Ծագում է լատիներեն «ազգ» բառից։ Գաղափարախոսություն և շարժում, որը ազգի բարգավաճումը և բարեկեցությունը համարում է առաջնային։ Փոքր ազգերի համար ազգայնականությունը պաշտպանության միջոց է` ընդդեմ մեծ ազգերի ճնշումների։ Ազգայնականությանը հակադիր դրսևորումն ազգայնամոլությունն է, որը սեփական ազգից բացի` չի հանդուրժում այլ ազգերի։
Ահաբեկչություն (տեռորիզմ) – Ծագում է լատիներեն «վախ», «սարսափ» բառից։ Մարդկանց ահաբեկումը (սպանություն, հետապնդում, բանտարկում և այլն) քաղաքական համոզմունքների և գաղափարների համար։ Այն ավելի մեծ չափեր է ընդունում հեղափոխությունների ժամանակ։
ԱՄՆ-ի անկախության հռչակագիր – Ընդունվել է 1776 թ. հուլիսի 4-ին Ֆիլադելֆիա քաղաքում հրավիրված Համաժողովի (Կոնգրես) կողմից։ Այն հռչակեց ամերիկյան ազգի իրավունքը` ստեղծելու իր ինքնուրույն կյանքը, ազատությունը և երջանկությունն ապահովող պետություն։ Ի լուր աշխարհի հայտարարեց Ամերիկայի Միացյալ Նահանգների կազմավորման մասին։
Անձի անձեռնմխելիություն – Լուսավորականների հռչակած` մարդու բնական իրավունքներից մեկը։ Մարդու նկատմամբ չպետք է կիրառել որևէ բռնություն, եթե օրենքով ու դատարանով ապացուցված չէ նրա մեղքը։
Աշխարհի անհավասարաչափ զարգացում – XIX դ. երկրորդ կեսից արդյունաբերական որոշ երկրներ սկսեցին արագ զարգանալ՝ առաջ անցնելով նախկին առաջատարներից (Անգլիա, Ֆրանսիա, Հոլանդիա): Այդ նոր զարգացող երկրները՝ ԱՄՆ-ը, Գերմանիան, Ճապոնիան, պայքար ծավալեցին ազդեցության ոլորտների և գաղութների վերաբաժանման համար: Այս նույն ժամանակաշրջանում է՛լ ավելի խորացավ տարբերությունը Արևմուտքի (Եվրոպա, ԱՄՆ) և Արևելքի (Օսմանյան կայսրություն, Իրան, Հնդկաստան, Չի- նաստան) զարգացման մակարդակների միջև:
Աշխարհի արհեստանոց – XVIII դ. մինչև XIX դ. երկրորդ կեսը այս համարումն ուներ Անգլիան: Նրա արդյունաբերությունն ամենազարգացածն էր, ապրանքները՝ ամենաարդիականն ու որակյալը: Դրանք ամենաէժանն էին և ողողել էին բոլոր շուկաները:
Առաջին կայսրություն – 1804 թ. Ֆրանսիայում անցկացվեց հանրաքվե, որի արդյունքում Նապոլեոնը հռչակվեց «բոլոր ֆրանսիացիների կայսր»: Այսպես հիմնվեց Առաջին կայսրությունը, որը գոյություն ունեցավ մինչև 1814 թ.։
Արդյունաբերական հասարակության երկրորդ շրջափուլ – Ընդգրկում է XIX դ. երկրորդ կեսից մինչև 1918 թ.՝ Առաջին աշխարհամարտի ավարտը: Կարևորագույն հատկանիշներն են արտադրության վերազինումը գիտության և տեխնիկայի նորագույն նվաճումներով, բաժնետիրական ընկերությունների և մոնոպոլիաների (մենատիրություններ) առաջացումը, համաշխարհային շուկայի և գաղութային համակարգի ձևավորումը, զարգացած երկրներում ժողովրդավարության խորացումը, զանգվածային կրթության համակարգի արմատավորումը և այլն:
2. Լրացնել թվականները
XVII-XIX դդ. առաջին կես – Արդյունաբերական հասարակության առաջին շրջափուլը
1600 թ. – Արևելահնդկական ընկերության ստեղծումը Անգլիայում
1640-1660 թթ. – Հեղափոխությունն Անգլիայում
1653-1658 թթ. – Կրոմվելի պրոտեկտորատը
1688-1689 թթ. – «Փառահեղ հեղափոխությունը» Անգլիայում
1722 թ. – Սեֆյան արքայատոհմի անկումն Իրանում
1751-1776 թթ. – Աշխարհում առաջին հանրագիտարանի հրատարակումը Դ. Դիդրոյի խմբագրությամբ
1768 թ. – Առաջին շոգեշարժիչի ստեղծումը Ջ. Ուատտի կողմից
1776թ. հուլիսի 4 – Անկախության հռչակագրի ընդունումը Ֆիլադելֆիայում
1784 թ. – Շոգեմեքենայի ստեղծումը Ջեյմս Ուատտի կողմից
3. Համեմատել համաշխարհային և հայկական մշակույթը XIX դ. երկրորդ կեսին և XX դ. սկզբին
Հիմնարար գիտություններ
Նպատակ ունեն ուսումնասիրելու բնության կարևորագույն օրենքներն ու օրինաչափությունները` մաթեմատիկա, ֆիզիկա, քիմիա, կենսաբանություն և այլն:
Հումանիտար գիտություններ
Հետազոտում են մարդու և նրա հասարակական կյանքի այլազան խնդիրները` տնտեսություն, քաղաքական կառույց, պատմություն և այլն:
Գրականություն
Կերպարվեստ ճարտարապետություն
Երաժշտություն
Օպերա
Արևելյան հարց — Միջազգային դիվանագիտության հիմնախնդիր` կապված Օսմանյան կայսրության հետագա ճակատագրի հետ: Վերջինիս թուլացման և քայքայման պայմաններում արդիական դարձավ հպատակ ազգերի ազատագրության և սեփական պետությունների ստեղծման հեռանկարը: Դրանից օգտվելով՝ մեծ տերություններն աշխատում էին օսմանյան Թուրքիան վերածել կիսագաղութի: Հարցն առաջացել է XVIII դ. վերջին: Դրա բաղկացուցիչ մասն էր նաև Հայկական հարցը:
Արհեստակցական միություններ — Հասարակական կազմակերպություններ, որոնք ստեղծել են բանվորները` իրենց իրավունքները պաշտպանելու համար: Առաջինը դրանք երևացին Անգլիայում XVIII դ. վերջին: XIX դ. երկրորդ կեսից արհմիութենական շարժումը մեծ թափ ստացավ: Ի հայտ եկան խոշոր արհմիություններ, որոնց անդամների թիվը հասնում էր միլիոնների: Ասվածի վառ օրինակներ կային ԱՄՆ-ում, Ֆրանսիայում, Գեր- մանիայում, մյուս զարգացած երկրներում:
Բազմազգ տերություն — Տերություն, ուր տիրապետող ազգի գերիշխանության ներքո իրենց պատմական հայրենիքում ապրում են բազում ազգեր՝ ենթարկվելով տնտեսական, քաղաքական, ազգային, կրոնական և մշակութային խտրականության ու բռնաճնշումների:
Բաժնետիրական ընկերություն — Արտադրական կամ այլ բնույթի ձեռնարկություն (կամ դրանց ցանց), որի հիմնական կապիտալը պատկանում է մարդկանց մի խմբի: Յուրաքանչյուրն ունի իր մասնաբաժինը և ըստ դրա էլ ստանում է եկամուտ:
Բանվորներ — Վարձու աշխատանքով ապրող մարդիկ: Նրանց վարձում են ձեռներեցները և վճարում ըստ կատարված աշխատանքի որակի և քանակի: Սովորաբար ձեռներեցների և բանվորների միջև ծագում են հակասություններ: Դրանց կարգավորման նպատակով զարգացած երկրներում XIX դ. ընդունվեցին բազմաթիվ օրենքներ, որոնք սահմանափակում էին աշխատաժամանակը, բանվորներին տալիս ապահովագրություն հիվանդության ու ծերության դեպքերում և այլն:
Բոլշևիկներ — Ռուսական մարքսիստների մեծամասնությունը կազմող թևը: Կողմ էին ծայրահեղ գործողությունների: Իրենց առաջնորդ Վ. Լենինի գլխավորությամբ Ռուսաստանում ուժով գրավեցին իշխանությունը: Երազում էին ամբողջ աշխարհում կառուցել կոմունիզմ (համայնավարական կարգ):
Բորսա — Արդյունաբերական տնտեսության կարևոր հիմնարկություն, որտեղ ձեռներեցները հանդիպում էին, քննարկում միմյանց առաջարկները և կնքում տնտեսական տարաբնույթ գործարքներ:
Գաղութ — Այստեղ՝ արդյունաբերական որևէ տերության իշխանության ներքո գտնվող երկիր, որը զրկված էր ինքնուրույն տնտեսական, քաղաքական, հասարակական զարգացման հնարավորությունից: Մայր երկրի (մետրոպոլիա) տնտեսական կցորդն էր: Այստեղից արտահանում էին բնական հարստություններ՝ շահագործելով տեղաբնիկների էժան աշխատուժը: Գաղութացումն սկսվել է դեռ XV դ., սակայն իր ծաղկմանն է հասել XIX դ. երկրորդ կեսին: Բացի բացասական հետևանքներից, այն հանգեցրել է նաև դրական արդյունքների: Ասիայի, Աֆրիկայի, Լատինական Ամերիկայի ժողովուրդները ծանոթացել են արդյունաբերական հասարակության նվաճումներին:
Դաշնություն — Ծագում է լատիներեն բառից: Առանձին պետությունների և պետական կազմավորումների միություն է: Դաշնության անդամները պահպանում են իրենց իրավունքների մի մասը: Ունեն տեղական սահմանադրություն, խորհրդարան, կառավարություն և դատական համակարգ: Սակայն դրանք ենթակա են դաշնային սահմանադրությանը և կառավարման մարմիններին: Առկա է ընդհանուր քաղաքացիություն: Դաշնային պետության օրինակ են ԱՄՆ-ը, Ռուսաստանը, Գերմանիան, Բրազիլիան և այլն:
Դոմինիոն — Լատիներեն «տիրույթ» բառից է: Բրիտանական գաղութային համակարգում երկիր, որն ուներ ներքին լրիվ ինքնավարություն, սակայն ենթարկվում էր անգլիական թագին:
Դրամատուն (բանկ) — Ծագում է լատիներեն «դրամափոխարան» բառից: Ձեռնարկություն, որտեղ իրացվում է դրամական կապիտալի առուծախ, ընդունվում են ավանդներ և տրամադրվում վարկեր: Դրամատներն արդյունաբերական արտադրության անբաժանելի մասն են: Նրանց միջոցով ազատ կապիտալը ներդրվում է տնտեսության զանազան ճյուղեր և նպաստում դրանց զարգացմանը:
Ենիչերի — Թուրքերեն՝ «նոր զորք»: Օսմանյան հետևակային զորամասեր: Դրանք ստեղծվում էին մանկահավաքների միջոցով: Այսինքն՝ մանուկ հասակում ծնողներից (հիմնականում քրիստոնյա) խլում էին զավակներին, դարձնում իսլամի մոլեռանդ զինվոր:
Եռյակ դաշինք — 1879-1882 թթ. Գերմանիայի, Ավստրո-Հունգարիայի և Իտալիայի միջև կնքված պայմանագրերի արդյունքում ստեղծված դաշինք՝ ուղղված Մեծ Բրիտանիայի, Ֆրանսիայի և Ռուսաստանի դեմ:
Եռյակ միություն (Անտանտ) — Անգլիայի և Ֆրանսիայի միջև 1904 թ. կնքված ռազմաքաղաքական դաշինք, որին 1907 թ. միացավ Ռուսաստանը:
Երիտթուրքեր — Թուրքական բուրժուազիայի ազգայնական շարժման ներկայացուցիչներ: 1889 թ. ստեղծել են «Միություն և առաջադիմություն» կուսակցությունը: Իրենց շուրջ համախմբել են հայկական, արաբական, հրեական, հունական ընդդիմադիր ուժերը և 1908 թ. կատարել պետական հեղաշրջում: Հռչակել են ժողովրդավարական ազատություններ, սակայն շուտով հրաժարվել դրանցից` ներկայանալով իբրև ազգայնամոլներ: Երազում էին ստեղծել պանթուրքական (համաթուրքական) տերություն՝ Բոսֆորից մինչև Միջին Ասիա: Այդ ճանապարհին կանգնած բոլոր ազգերը ենթակա էին ոչնչացման, առաջին հերթին՝ հայությունը: Առաջին աշխարհամարտի տարիներին երիտթուրքական կառավարությունն իրագործեց Հայոց մեծ եղեռնը:
Երկմիասնական տերություն — Տերուլ Տերություն, որտեղ ապրող բազմաթիվ ազգերից տիրապետող են երկուսը: Նրանց միջև կնքվում է դաշինք` իշխանության հստակ բաժանումով: Ասվածի լավագույն օրինակը 1867 թ. ձևավորված Ավստրո-Հունգարիան էր:
Երրորդ հանրապետություն — Հիմնվել է Ֆրանսիայում 1870 թ. սեպտեմբերին՝ Նապոլեոն III կայսեր խայտառակ պարտությունից հետո: 1875 թ. սուր պայքարի պայմաններում ընդունվել է նրա Սահմանադրությունը: Երրորդ հանրապետությունը գոյատևել է մինչև 1940 թ.:
Ընկերային (սոցիալական) ապահովագրություն — Պետության, ձեռնարկատերերի և աշխատավորների մուծումների հաշվին ստեղծվում է հիմնադրամ, որից աշխատավորներին նյութական օժանդակություն (թոշակ) է հատկացվում հիվանդության և ծերության դեպքում: Այս համակարգը զարգացած երկրներում տարածում է գտել XIX դ. երկրորդ կեսից:
Թանզիմաթ — Ծագում է արաբերեն «բարենորոգում» բառից: Օսմանյան կայսրության այս բարենորոգումներն ընդգրկում էին 1839-1870-ական թթ.: Դրանք ձեռնարկեցին եվրոպական կրթություն ստացած և լուսավորական գաղափարներով տոգորված որոշ պետական գործիչներ: Նպատակն էր տերության բոլոր ազգերին տալ իրավահավասարություն, անձի, գույքի անձեռնմխելիություն, խղճի (կրոն) ազատություն, հավասար հարկեր: Այդ ճանապարհով բարենորոգիչները հույս ունեին կանգնեցնելու տերության անկումը: Սակայն պահպանողականների ճնշման ներքո այս փորձերը ձախողվեցին:
Թորի — Քաղաքական կուսակցություն Անգլիայում, որն առաջացել է XVII դ. վերջին: XIX դ. երկրորդ կեսին ստացավ «Պահպանողական» անունը:
ժողովրդավարություն (դեմոկրատիա) — Ծագում է հունարեն «ժողովուրդ» և «իշխանություն» բառերից: Կառավարման մի համակարգ, որտեղ գերագույն իշխանությունը պատկանում է ժողովրդին: Ժողովրդավարության հիմքը իրավահավասար քաղաքացիներն են: Օգտվում են համընդհանուր ընտրական իրավունքից, ունեն անձի և սեփականության անձեռնմխելիություն, խոսքի, խղճի (կրոնի) ազատություն: Այս ամենն ամրագրված է երկրի հիմնական օրենքով՝ սահմանադրությամբ: Ժողովուրդն իր իշխանությունն իրագործում է ընտրովի խորհրդարանի և կառավարության միջոցով:
Իշխանության տարանջատման սկզբունք — Մշակել է անգլիացի լուսավորական Ջ. Լոկը, զարգացրել է ֆրանսիացի Մոնտեսքյոն: Համաձայն դրա՝ արդյունավետ գործառելու համար պետական իշխանությունը պետք է տարանջատվի երեք ճյուղի: Օրենսդրական, որը պետք է ներկայացնի ժողովրդի կողմից ընտրված խորհրդարանը: Այն պետք է օրենքներ մշակի՝ պարտադիր բոլոր քաղաքացիների համար: Գործադիր, որը կոչված է ի կատար ածելու օրենքները և կառավարելու երկիրը: Այս նպատակով ստեղծվում է կառավարու
Լուսավորական շարժում — Գաղափարական, կրթական և քաղաքական շարժում, որ ծավալվեց Եվրոպայում XVII-XVIII դդ.։ Նպատակն էր հաղթահարել միջնադարյան ավանդական պատկերացումները մարդու, հասարակության, բնության վերաբերյալ: Ստեղծել է պատկերացումների մի նոր համակարգ՝ կառուցված բանական արժեքների վրա: Շարժումն սկսվել է Անգլիայում, բայց իր գագաթնակետին է հասել շնորհիվ ֆրանսիական լուսավորականների: Նրա գաղափարները կենսական են առ այսօր:
Լուսավորյալ միապետ — Միապետների այս տեսակը պատմական ասպարեզ է իջել XVII- XVIII դդ.՝ Ֆրանսիայում, Ռուսաստանում, Պրուսիայում, Ավստրիայում։ Լուսավորական գաղափարների ոգով կատարել են բազմաթիվ բարենորոգումներ: Ձգտում էին հին ավա տատիրական կարգերը հաշտեցնելու արդյունաբերական զարգացման հետ, որն անհնար էր, և XVIII դ. վերջերին լուսավորյալ միապետները հեռացան պատմական ասպարեզից:
Խղճի ազատություն — Մարդու իրավունքը դավանելու ցանկացած կրոն կամ չդավանելու որևէ մեկը:
Կայսերապաշտություն (իմպերիալիզմ) — Գաղափարախոսություն և քաղաքականություն, հատկանշական է արդյունաբերական հասարակություններին: Հումքի, էժան աշխատուժի համար զարգացած երկրներն սկսում են ծավալվել և նոր տարածքներ գրավել կամ ազդեցության գոտիներ ձեռք բերել ինչպես Եվրոպայում, այնպես էլ աշխարհի բոլոր ծագերում՝ Ասիա, Աֆրիկա, Ամերիկա: Գործընթացն ավելի ծավալվեց XIX դ. երկրորդ կեսին: Այս նպատակով օգտագործվում էին ամենատարբեր միջոցներ՝ ռազմական ուժ, դիվանագիտություն, տնտեսական ճնշում և այլն:
Կանցլեր — Գերմաներեն «դիվանապետ», «քարտուղար» բառերից: Նախապես համարվում էր գերմանական (մասնավորապես` Պրուսիայի) արքաների գրասենյակի ղեկավար: Նա կազմում էր արքայական հրամանները և հետևում դրանց կատարմանը: Հետագայում սկսեց կատարել վարչապետի գործառույթները՝ ղեկավարում էր գործադիր իշխանության բոլոր օղակները: Կանցլերի դերն առավել կարևորվեց միացյալ Գերմանիայում: Օ. Բիսմարկը
հայտնի է որպես Գերմանիայի ամենաականավոր կանցլերներից մեկը:
Կապիտալ — Ունեցվածք, որը ներդնելով արտադրության մեջ՝ ձեռներեցը նոր շահույթ է ստանում: Ժամանակի ընթացքում կապիտալը դառնում է սեփականության հիմնական ձևը և կազմում կապիտալիստական հասարակության հիմքը:
Կիսագաղութ — Ավանդական հասարակական կյանքով ապրող երկիր, որը գաղութի չի վերածվել և անմիջականորեն չի կառավարվում գաղութարարների կողմից, սակայն վերջիններս, տարբեր լծակներով (տնտեսական, դիվանագիտական, ռազմական) ճնշումներ գործադրելով, նրա կառավարությունից զիջումներ են կորզում: Այսպիսի երկրներից էին Օսմանյան կայսրությունը, Իրանը, Չինաստանը: Գաղութարարները երբեմն դրանք բաժանում էին ազդեցության գոտիների:
Կոմունիզմ (համայնավարություն) — Ուտոպիական տեսություն, որը ծագում է լատիներեն «ընդհանուր» բառից: Համաձայն դրա գաղափարախոսների (Կ. Մարքս, Ֆ. Էնգելս, Վ. Լենին)՝ հեղափոխության միջոցով ստեղծված բանվորների պետությունը պետք է վերացնի մասնավոր սեփականությունը և ստեղծի համապետական սեփականություն: Ամեն ոք, անկախ իր աշխատանքից, պետք է օգտվի բոլոր բարիքներից: Կոմունիզմի զարգացած շրջափուլում պետությունը, կատարելով իր դերը, պետք է վերանա:
Կոնսուլություն — 1799–1804 թթ. կառավարման ձև Ֆրանսիայում: Իշխանությունն անվանապես պատկանում էր տասը տարով ընտրված երեք կոնսուլներին, իսկ իրականում՝ առաջին կոնսուլ Ն. Բոնապարտին:
Կուսակցություն — Համախոհ մարդկանց քաղաքական կազմակերպություն, որի խնդիրը հասարակության բարենորոգումն է` ըստ իր որդեգրած գաղափարների և գործողության ծրագրերի: Այդ նպատակով՝ կուսակցությունները ձգտում են հասնելու իշխանության՝ իրենց ծրագրերը իրականացնելու համար:
Հայդուկ — Հունգարերեն՝ հետևակ: Դրանք մարդիկ էին, որոնք ոչ մեծ զինված խմբերով պայքարում էին օսմանյան նվաճողների դեմ: Հայկական միջավայրում տարածված էր դրա նաև արաբերեն համարժեքը՝ ֆիդայի:
Հեղափոխություն — Հասարակական-քաղաքական գործընթաց, որի դեպքում պատմական կարճ ժամանակահատվածում ուժային եղանակով կատարվում են արմատական փոփոխություններ: Հեղափոխությունները սովորաբար դրսևորվում են երկու ձևով: Մի դեպքում՝ գերակայում են զուտ հասարակական հիմնախնդիրները, մյուս դեպքում` դրանց գումարվում են նաև ազգային խնդիրները՝ ազատագրության, վերամիավորման, ինքնիշխան պետության ստեղծման:
Հիմնարար գիտություններ — Նպատակ ունեն ուսումնասիրելու բնության կարևորագույն օրենքներն ու օրինաչափությունները՝ մաթեմատիկա, ֆիզիկա, քիմիա, կենսաբանություն և այլն:
Հումանիտար գիտություններ — Հետազոտում են մարդու և նրա հասարակական կյանքի այլազան խնդիրները՝ տնտեսություն, քաղաքական կառույց, պատմություն և այլն:
Ձեռներեց — Կոչվում է նաև բուրժուա, կապիտալիստ: Ունի ունեցվածք, որը ներդնելով արտադրության, տրանսպորտի, դրամական գործարքների և այլ բնագավառներում՝ ստանում է եկամուտ: Ձեռներեցների դասն սկսվել է ձևավորվել արդյունաբերական հասարակության կայացմանը զուգընթաց:
Մանուֆակտուրա — Ծագում է լատիներեն «ձեռքի գործ», «ձեռքի աշխատանք» բառերից: Արտադրական ձեռնարկություն, որն սկսել է ձևավորվել XVI դ. վերջից: Այնտեղ աշխատանքը հիմնականում ձեռքով էր կատարվում, սակայն կային աշխատանքի բաժանում և մասնագիտացում: Յուրաքանչյուր բանվոր մասնագիտանում էր մեկ կամ մի քանի գործողության մեջ: Դա շեշտակի ավելացնում էր աշխատանքի որակը և արտադրողականությունը:
Մարդու և քաղաքացու իրավունքների հռչակագիր — Ընդունվել է 1789 թ. օգոստոսի 26-ին Ֆրանսիայում: Հաստատում էր քաղաքացիների իրավահավասարությունը: Իշխանության աղբյուր էր ճանաչում ազգի հավաքական կամքը: Շեշտում էր մարդկանց բնական իրավունքը` լինելու ազատ, ունենալու մասնավոր սեփականություն, դիմակայելու ցան կացած բռնաճնշման, ազատորեն արտահայտելու իր կարծիքը, անձամբ կամ ներկայացուցիչների միջոցով մասնակցելու պետության կառավարմանը: Սա նոր դարաշրջանի կարևորագույն իրավական փաստաթղթերից է:
Մենատիրություն (մոնոպոլիա) — Ձեռներեցների միավորում, որն իր ձեռքն է առնում տնտեսության այս կամ այն բնագավառը: Իրենք են որոշում արտադրության պայմանները և ապրանքի շուկայական գները: Մոնոպոլիաների ի հայտ գալով խախտվեց ազատ մրցակցությունը՝ արդյունաբերական հասարակության հիմնական սկզբունքներից մեկը: Շատ պետություններ, աշխատելով պաշտպանել մանր և միջին արտադրողների շահերը, մտցնում են հակամենատիրական օրենքներ:
Մերկանտիլիզմ (առևտրայինություն) — Ծագում է լատիներեն «շուկա», «առևտուր» բառերից: Նպատակն է ավելի շատ ապրանք արտահանել և ստանալ մեծ շահույթ: Այսօր էլ առևտրայնությունը համարվում է տնտեսվարության հիմնական սկզբունքներից մեկը:
Միջազգային կարմիր խաչի ընկերություն — Ձևավորվել է 1863 թ. Շվեյցարիայում՝ Ա. Դյունանի ջանքերով: Խնդիր ունի օգնելու ռազմական հակամարտություններից և բնական աղետ ներից տուժածներին: Կազմակերպությունն իր առաքելությունը շարունակում է առ այսօր:
Միջին խավ — Արդյունաբերական երկրներում հասարակական հիմնական խավը: Ձևավորվել է XIX դ.: Ընդգրկում էր միջին և մանր ձեռներեցներին, մտավորականությանը: Նրա շարքերը համալրեցին նաև որակյալ բանվորները: Բոլորն ապրում էին միջին բարեկեցությամբ: Այս խավը մեղմեց հարուստների և աղքատների միջև առկա հակասությունները, կայունություն հաղորդեց հասարակական կյանքին:
Յակոբիններ — Մեծ հեղափոխության ծայրահեղական թևի ներկայացուցիչներ: Նրանց ակումբը Ս. Հակոբ եկեղեցում էր (այստեղից էլ՝ անվանումը): Ղեկավարներից էին Մ. Ռոբեսպիերը, Ժ. Դանտոնը և այլք: Երազում էին ընդհանուր հավասարության և համաշխարհային հեղափոխության մասին: Օգտվելով երկրում ստեղծված ծանր պայմաններից՝ 1793 թ. գրավեցին իշխանությունը և հաստատեցին իրենց բռնատիրությունը: Հազարավոր մարդկանց մահվան դատապարտեցին առանց դատ ու դատաստանի: 1794 թ. նրանց բռնատիրությունը տապալվեց: Ղեկավարները մահապատժի ենթարկվեցին:
Չարտիզմ — Ծագում է անգլերեն «չարտեր» (գիր, հրովարտակ) բառից: Զանգվածային հասարակական–քաղաքական շարժում Անգլիայում 1830-1850-ական թթ.: Հիմնական պահանջներն էին համընդհանուր ընտրական իրավունքը և պետական կյանքի ժողովրդավարացումը: Ճիշտ է, կառավարությունը մերժեց չարտիստների պահանջագրերը և ճնշեց նրանց շարժումը, բայց հետագա տարիներին կատարեց նրանց պահանջները: